Céard é Rith 2012?
Is féile náisiúnta Gaeilge é Rith 2012 a bheidh ar siúl ón 8-17 Márta 2012 i rith Seachtain na Gaeilge. Tá cúrsa 1000km leagtha amach chun ollrith sealaíochta, ó mhaidin go hoíche, a dhéanamh ó Gaoth Dobhair go hInis Mór thar 10 lá leis na míllte duine ag glacadh páirte ann thar 200 baile.
Beidh baitín sealaíochta lámh-dhearaithe speisialta le teachtaireacht folaithe istigh ann á iompar ag Rith 2012 ó thus go deireadh. Léifear amach an teachtaireacht tacaíochta seo don Ghaeilge ar Lá Fhéile Pádraig in Inis Mór, Árainn.
Is slí nua é Rith 2012 chun teanga agus cultúr na Gaeilge a cheiliúradh go feiceálach i bpobail ar fud na hÉireann agus airgead á bhailiú d'fhorbairt na Gaeilge ag an am céanna. Tharla an chéad Rith sa bhliain 2010 nuair a ghlac 20,000 páirt san fhéile.